الرئيسية
أحدث الصور
لوحة شرف المنتدى لهذا الأسبوع 
قريبا 
الموقع
من طرف مــرجـــوحــة عــشـك .. مـن روائـع خـالـد الفـراتـي ...
((مــــرجــوحة عـشـك .. للشاعر المـتألق خالد الفراتي))
جنت روحي..وضحكتك سيف لجروحي..
وجنت ليلي..وطولك الممـتد ابروحي ..
وسمعتك .. شالت رمشها.. عيني واتبدل ضواها
وشافتك.. لحظات خوفي..سورة واحساسي قراها..
وشمتك.. دمعاتي.. واتبدت وراها..
روحي..روحي.. راحتي..وراحت وراها.. ..
يا...ولك..لا وك دخيلك.. غصت احروف القصيدة..
وفزت اطفوف.. السوالف,, واحترك خاطر يزيدة ..
ومثلت روحي تحبك.. دور بعد ك ماتجيدة..
واني بيدة.. يشتعل جرحك..مسافة.. واني ابيدة..
وراح اسولفلك..عيوني.. العتكتها من السوالف.. وجانت بجالك جديدة.. لاتزيدة.. لاتزيد..ة لاتزيد
اجروح كلب المن هواك اختل وريدة..
كلي.. سيفك بين ضلعي..طابت لشخصة الاقامة
اشتبهت وسلمت الك..وادري ماتنطي السلامة..
وياحكومة البيها غيرة لو نزل دمع اليتامة..
وانة وي ظلك كعدنة.. ودكت اجراس الندامة..
وكتلي.. احبك.. ومن تحبني.. ننسة بالحب الكرامة..
وانة هامة.. كلها خاطر.. تلبس الطيبة بشهامة.. .......
ودنكتلك,, وانة سيف,, من زغر زاعل اكرابة..
وانة ريح..وامنتلك.. وانت مضمونك سحابة..
وياغرابة.. وياغرابة..
نزلت عيني و اجيتك.. اعمة بس كادوا لبيتك..
خابط الدمعة بترابة.. وياغرابة..
سجتك كلفة وخذتها..وضحكوا بظهري الكرابة..
وياااااااااااااااااااااااااااااااااابة.. يابة..
اشكد رخيصة دموع لحظاتي بمقامك..
وليش تهتز عيني.. لو نسم غرامك..
وليش ذاكرتي اعلة صوتك..تنــــذل..
ويكبر كلامك..
وليش طولك.. مايفارك.. خيط عيني.. وتنرسم جي مااريدك.. من جدم طولك لهامك.. ...
وتسكت الصفنة وتجيني..وتشلع من الباب عيني..
وذكرتني.. وذكرتني.. شدار مابينك وبيني.. ...
من كلتلي..؟ نلغي من حبنا الكرامة..
لو.. ولو.. لا مااكلك.. قامت..الليلة القيامة.. ..
صوت مرجوحة عشكنا.. بلاطفل تهتز خطية..
وذيج ذيج اكبال عيني.. ابلا ورود المزهرية..
وموبدية.. اتكلي احبك موبدية..
( احاول انسة حبك والكلب ميريد)
وانة ماريدك تريد.. وانة ماريدك تعيد..
(كلما جربت ميفيد..كل يوم المحبة اتزيد)
وهسة.. تشتلني اعلة خدك..
شامة وادور بياضك.. ويابريد..
الوصل افكارك تبيع..
وانة كتلك.. من تضيعني تضيع..
( ومن ضيع كلبك عنواني.. تاه وصاحوا بي بالجامع)
وهسة.. تشتلني اعلى خدك.. شامة وادور بياضك..
اتكلي يمكن مانسيتك.. وترسم ابالي افتراضك ...
وطشرتهن ذكرياتك..ادور احساسي بغراضك
هاي..من عندك قصيدة..وهذاااااا مرسالك..ضحكتك..
صورتك..منديل دمعي
هاي طبعات من اصبعك.. من عصر بالشوك اصبعي
هذاااااااااا... ذااااااااااااااك.. شبيك ساكت..
لا والك مو ساكت اني.. مابقت روح بغيابك.. يلله لملمهن اغراضك
يلله لملمهن اغراضك..
انة كل ذاكرتي ماتت.. وكلشي بيه وبيك مات
((مــــرجــوحة عـشـك .. للشاعر المـتألق خالد الفراتي))
جنت روحي..وضحكتك سيف لجروحي..
وجنت ليلي..وطولك الممـتد ابروحي ..
وسمعتك .. شالت رمشها.. عيني واتبدل ضواها
وشافتك.. لحظات خوفي..سورة واحساسي قراها..
وشمتك.. دمعاتي.. واتبدت وراها..
روحي..روحي.. راحتي..وراحت وراها.. ..
يا...ولك..لا وك دخيلك.. غصت احروف القصيدة..
وفزت اطفوف.. السوالف,, واحترك خاطر يزيدة ..
ومثلت روحي تحبك.. دور بعد ك ماتجيدة..
واني بيدة.. يشتعل جرحك..مسافة.. واني ابيدة..
وراح اسولفلك..عيوني.. العتكتها من السوالف.. وجانت بجالك جديدة.. لاتزيدة.. لاتزيد..ة لاتزيد
اجروح كلب المن هواك اختل وريدة..
كلي.. سيفك بين ضلعي..طابت لشخصة الاقامة
اشتبهت وسلمت الك..وادري ماتنطي السلامة..
وياحكومة البيها غيرة لو نزل دمع اليتامة..
وانة وي ظلك كعدنة.. ودكت اجراس الندامة..
وكتلي.. احبك.. ومن تحبني.. ننسة بالحب الكرامة..
وانة هامة.. كلها خاطر.. تلبس الطيبة بشهامة.. .......
ودنكتلك,, وانة سيف,, من زغر زاعل اكرابة..
وانة ريح..وامنتلك.. وانت مضمونك سحابة..
وياغرابة.. وياغرابة..
نزلت عيني و اجيتك.. اعمة بس كادوا لبيتك..
خابط الدمعة بترابة.. وياغرابة..
سجتك كلفة وخذتها..وضحكوا بظهري الكرابة..
وياااااااااااااااااااااااااااااااااابة.. يابة..
اشكد رخيصة دموع لحظاتي بمقامك..
وليش تهتز عيني.. لو نسم غرامك..
وليش ذاكرتي اعلة صوتك..تنــــذل..
ويكبر كلامك..
وليش طولك.. مايفارك.. خيط عيني.. وتنرسم جي مااريدك.. من جدم طولك لهامك.. ...
وتسكت الصفنة وتجيني..وتشلع من الباب عيني..
وذكرتني.. وذكرتني.. شدار مابينك وبيني.. ...
من كلتلي..؟ نلغي من حبنا الكرامة..
لو.. ولو.. لا مااكلك.. قامت..الليلة القيامة.. ..
صوت مرجوحة عشكنا.. بلاطفل تهتز خطية..
وذيج ذيج اكبال عيني.. ابلا ورود المزهرية..
وموبدية.. اتكلي احبك موبدية..
( احاول انسة حبك والكلب ميريد)
وانة ماريدك تريد.. وانة ماريدك تعيد..
(كلما جربت ميفيد..كل يوم المحبة اتزيد)
وهسة.. تشتلني اعلة خدك..
شامة وادور بياضك.. ويابريد..
الوصل افكارك تبيع..
وانة كتلك.. من تضيعني تضيع..
( ومن ضيع كلبك عنواني.. تاه وصاحوا بي بالجامع)
وهسة.. تشتلني اعلى خدك.. شامة وادور بياضك..
اتكلي يمكن مانسيتك.. وترسم ابالي افتراضك ...
وطشرتهن ذكرياتك..ادور احساسي بغراضك
هاي..من عندك قصيدة..وهذاااااا مرسالك..ضحكتك..
صورتك..منديل دمعي
هاي طبعات من اصبعك.. من عصر بالشوك اصبعي
هذاااااااااا... ذااااااااااااااك.. شبيك ساكت..
لا والك مو ساكت اني.. مابقت روح بغيابك.. يلله لملمهن اغراضك
يلله لملمهن اغراضك..
انة كل ذاكرتي ماتت.. وكلشي بيه وبيك مات
